Mikja ime Rita është specialiste e pastave dhe peshkut. Si vajzë e rritur buzë detit nuk kishte si të ishte ndryshe :). Sa herë Rita gatuan një pjatë që unë nuk e kam gatuar më parë, me shumë siguri unë do e prodhoj të nesërmen në shtëpinë time. Duke ndarë receta me njëra tjetrën rrallë mbetemi pa ide se çfarë do i gatuajmë familjes, fuqi dhe nerva të kemi se idetë janë nga të gjitha anët. Sidomos ato receta të provuara më parë nga njerëz që ti u beson shijet dhe e di që dhe fëmijët e tu do e përlajnë ;). Receta më poshtë.

Përbërësit

500 gr pasta Trofie

400 gr salmon

200 ml pana për gatim

Përgatitja

Në një enë hedhim ujë për të zjer pastën. Në një tigan që nuk ngjit me një luge vaj ulliri gatuajmë salmonin, me pak kripë duke e lën nga 2-3 minuta kaurdisje për çdo anë.

Salmonin e gatuar e pastrojmë nga halat dhe e ndajmë në copa si në foto. Ndërkohë që pasta zjen, në tiganin qe gatuam salmonin hedhim panën, shtojmë salmonin në copa dhe pak nga uji që po zien pasta.

E trazojmë në flak të ulët për 2 minuta këtë përzierje dhe ja shtojmë pastës që e kemi kulluar më parë. Servirim me pak pipër sipër sipas dëshirës. Enjoy

Pasta trofie me salmon sipas Ritës

Atelieri i Përbërësve

Komentet (0)

Lini një koment